浪好大，但就一隻船都見吾到，卓晧選擇響呢度同我見面都好聰明，后面系民居，但距離都好遠，真系人影都吾多隻，只系見到零星嘅屋苑燈光。企左一段時間，四周圍一個人都冇，越等越凍，又過左一個鐘頭，差吾多十點，吾

第127頁

知卓晧會吾會再有訊息比我呢？但我又吾敢開電話...望住天上面嘅星星，就離十一點啦，我都等左差吾多三個鐘，正當我想轉身離開時，就聽到海面上傳離引擎嘅聲音，但環境太黑啦，只系聽到聲音，連羊方向都分吾到？但聲音好明顯越離越近，不消一分鐘就響滔滔白浪中穩約見到一艘快艇響岸邊靠近，船未停定就見到上面有一個帶住帽嘅黑衣人向我揮手示意，雖然睇吾清楚，但下意識令我相信呢個應該系卓晧，我用敏捷嘅身手跳左上快艇，快艇開得好快，不消一分鐘身后嘅屋苑燈光已經漸漸消失，現在除了天上嘅繁星外，我伸手不見五指，風浪又大，船又開得快，我掛住扶實船邊，就連黑衣人系羊樣都冇機會見到...。

架船風馳電掣咁行，好似響海上面飛咁，吾到十分鐘就已經去到一個荒島度停低，響淡淡嘅月光下穩約認得呢度就系好多年前同卓晧一齊去過果個荒島...。卓晧一馬當先踏上岸邊，再遞出手扶我上岸，綁好快艇響岸邊后開始向山上方向行，山路好顛簸，卓晧一路行一路拖住我隻手，沿途就系咁十指緊扣一路行上山，不消十分鐘已經上到去接近山頂嘅位置，終於離到多年前卓晧同我第一次「表白」嘅懸崖上面，仍然系果塊一望無際嘅草地上面蓆地而坐，但今夜【秋風蕭瑟天氣涼，草木搖落露為霜】，吹埋離嘅海風有d刺面，冇當日咁舒服。

風塵僕僕咁終於離到呢度故地重游，大家都有ｄ攰，雖然四周環境漆黑一片，但明亮嘅月光照響卓晧俊俏嘅臉上，終於比我睇清楚佢嘅面容，卓晧輕輕將頭倚響我嘅膀頭上面，聞到佢頭髮散發出離嘅氣味，感到佢微微嘅體溫，我都主動咁拖住佢冰冷嘅掌心深深咁錫左一啖...當日未完嘅故事情節今晚即將要廷續落去...？

Ryan：你知道我搵你嘅目的？

卓晧：由我知道你做臥底開始，我就相信終有一日你會搵我..

Ryan：你有羊打算呀？諗住就咁繼續幫果班人做野？

卓晧：你想勸我幫警方攞料拉果班人？

Ryan：其實你細佬阿Don嘅事我都知道，果班人咁樣對你細佬，我相信你連警察都吾做，混入去佢的度都系想搜查佢的嘅犯罪證據，幫你細佬報仇！

卓晧：我細佬嘅事你知幾多？邊個話比你知？

Ryan：我阿頭有講過，我自己都有查過。

卓晧：你覺得我應該點做？

Ryan：當然系將果班人繩之於法，重要將有涉及嘅警方高層全部抽曬出離，整冶一下警隊嘅害群之馬。

卓晧：...呢個就系你嘅結論、你嘅諗法？

Ryan：...

卓晧：我諗我的冇羊合作嘅空間??！

Ryan：點解呀？

卓晧：你要對付嘅系果班人，你想將佢的繩之於法；但系我要對付嘅吾系佢的，你攪錯曬啦??！Ryan：嚇？？我吾明白呀??！你講清楚d呀??！

卓晧：...算啦，你就當我的冇見過面啦??！

Ryan：你究竟點解咁講呀？我真系吾明呀，你講清楚呀??！

卓晧：有ｄ野你吾應該知咁多，知得太多對你冇好處??！其實我諗你都吾會查到ｄ羊，不如就咁算啦，再過多一段時間你阿頭都會close左個file佢，咁你到時就回復自由，做番一個你心目中嘅好

第128頁

警察...

Ryan：卓晧，成件事系吾系別有內情呀？系吾系有ｄ野我吾知架？你講比我知啦！你一個人行動令我好擔心，我吾想你一個人去面對，你講比我知啦??！等我同你分擔嚇??！

卓晧：你都系當冇見過我巴啦，你知得太多對你冇好處，我吾想連累你。

Ryan：我吾怕，我好記得上一次我同你一齊，都系坐響呢度果晚，你同我講你好開心可以做到警察，重諗住會繼續讀番個degree再考督察，退休前起碼都要做到個總督察三?；?，你重同我講過你要做一個好警察，只要系正義嘅事，你一定會去做...

卓晧：好啦，夠啦，吾好再講落去啦，呢個系我好多年前嘅諗法，我都吾記得左啦，再諗返轉頭我而家都覺得好可笑，好嘔心...

Ryan：點解你咁講呀？呢個吾似系你！

卓晧：Ryan，可能你冇變過，你仍然系想做你心目中嘅好警察，但系呢個世界好多野都變左，包括我嘅諗法同對好多野嘅睇法。

Ryan：卓晧，大家都系爽快嘅人，吾好再轉彎抺角，有羊野就直接講啦，我知你而家系果班人嘅高層，我接觸得你，搵得你，就已經預計左會有風險，吾好再話邊個連累邊個。我更加可以講比你知，我其實吾系咁神通廣大，憑我一己之力根本冇可能查到你呢條線，將所有有關你嘅資料交比我嘅吾系警方，其實另有其人，我比ｄ野你睇先。

我將Johnny交比我有關卓告潛入黃sir書房嘅片段用手機播比佢睇。我留意到一直表現鎮靜，氣定神閒嘅卓晧神情頓時變得繃緊...

Ryan：你吾好以為你可以掌握一切，其實你嘅一舉一動已經有人留意緊你。不過你放心，我知你嘅身份好特殊，你呢條線我完全冇通知過阿頭，相信暫時睇過呢段片嘅包括你同我都只系三個人，其實我睇到呢段片時就令我更加擔心你嘅處境，你都知果班人系大鱷，比佢的知道你嘅所作所為，我真系吾敢想像佢的會點對你...你嘅處境應該比我更加危險，你比我同你分擔一下啦??！卓晧：呢段片你點得番離架？系邊個比你架？

Ryan：我暫時吾可以講比你知，不過我可以保証佢對你系冇惡意嘅，吾系佢我都吾會有你嘅資料！卓晧：...

Ryan：你相信我，比個機會我同你一齊面對啦??！

卓晧：我...

可能受到我言詞嘅觸動，卓晧握住我嘅手突然變得冰冷，又開始霧汗，我將佢隻手握緊再擁入懷內，希望佢感受到我以體溫表達對佢嘅支持。

卓晧：你可吾可以老實答我，你而家呢番說話系用羊身份同我講架？系臥底？系朋友？定系....？Ryan：系....

卓晧：你其實對我有冇感覺架？我的而家嘅關系到底系羊呀？你上次響steamroom嘅表現到底系滿足你嘅性欲定系...

Ryan：我對你冇感覺就吾會咁做，我吾系一個隨便嘅