演唱會散場后，青新到停車場取車，新在耳旁細細聲道：喂！講個秘密俾你知吖！

    青（嫣然一笑）：嗯！又點呀？

    新（故作神秘）：其實……今次係我第一次喺香港睇演唱會??

    青（張開嘴巴驚訝）：嚇？真係架！你唔好講笑喎？

    新（從容不迫）：其實??我係「今年」第一次睇演唱會，你唔使咁緊張喎！哈哈哈??

    青笑得哄堂大笑，一時間笑到肚都彎了??新決定帶青去游車河，驅車到一個似曾相識郊區——元朗大棠郊野公園，藍生日那天，青帶他看日落黃昏的地方。

    新將車停在山頂，二人靠著月光的光輝踏上宛延石級，一步一步登上瞭望臺，深藍色的天空影襯著，元朗錦田萬家燈火，橙黃色街燈零碎地點綴著，浪漫美景，盡收眼簾??美不勝收叫青新二人都沉醉下來，靜靜地聽著蟋蟀牛蛙的叫聲，萬籟俱寂與演唱會強勁節奏，作了深刻鮮明的對比??

    新倚在車門，從口袋里拿出一根香煙純熟地點起，一呼一吸的給啜著，深情凝望青??青輕輕撥弄秀發，擦擦冰凍的手掌，呵出暖氣取暖，新張開寬闊大衣，將青上身用外套圍住，兩人面龐頓時靠得很近，青嗅到新煙草的香氣，心亂如麻，小鹿亂撞一刻，青眼神閃爍，一時間不知道如何是好??

    新（鼓起勇氣尷尬）：你知唔知道我近排癲咗??

    青（靦覥紅著臉）：點解呀？

    新（咬下唇）：我發覺自己成日都諗起你??食飯諗起你，沖涼又諗起你，瞓覺又諗起你，返工又留意你，集中唔到精神??你叫我點算？

    青（低頭嘟起嘴巴）：我都唔知點算?

    新（認真凝望）：我知道你需要時間收拾心情??但係我想話俾你知??我會等你??等到你認為預備好嘅時候，你就話俾我知吖??

    青有點心慌意亂，認真地點頭微笑回應后，青施施然返入車廂，新發動引擎送青回家??

    藍拿著花束在青家樓下等待，看到街頭有兩個熟悉的面孔，肩并肩有說有笑的走著，藍竭力地打量，他們究竟有沒有牽手？似乎沒有??？但手背碰手背的曖昧，令藍心急如焚，急如熱鍋上的螞蟻，雙方傾談得太投入，講到眉飛色舞，完全漠視了在前方的藍，藍被一股溫馨浪漫的氣場所驅趕，竟然急急忙忙的跑到對面馬路，希望再仔細觀察雙方的親密程度，藍看到男方送到升降機大堂，兩人若即若離，細聲講大聲笑，嶺南咬牙切齒，勃然大怒衝上前??

    藍（怒目相視）：你哋喺度做咩??？

    青（驚訝詫異）：點解你會響度??？

    新（面紅耳赤）：咦？今次帶埋花嚟箍煲喎！有進步喎！

    藍（傲慢無禮）：我做咩關你咩事呀？唔關事嘅，同我行埋一邊！

    青識趣地走到一旁，瞻望等候。

    青（咬牙惱怒）：喂！佢係我朋友！唔該你俾啲禮貌！

    藍（憤恨睜眼）：你做咩幫住佢??？佢係你邊個??？你哋而家係咩關係??？

    青（惱羞成怒）：咁你係我邊個呀？你憑咩資格問我呀？

    藍躊躇一下，吸一口氣，放下剛才盛氣凌人的態度，誠懇嚴肅地道：青，對吾住??果晚我飲咗好多酒，同雪發生左關係，之后仲喺度死撐，系我唔啱??希望你原諒我，好嗎？

    藍呑一下口水繼續道：喺醫院果晚，我唔識得表達自己，凈係記得以前mama唔開心嘅時候，就叫我走開，我以為俾你靜下，就係最好安慰你嘅方法，我真係大錯特錯??對吾住，俾多一次機會我，可以嗎？

    青一直背向藍，把每一句說話都聽懂，眼框眼淚都快流下來，青不懂得反應，趁著升降機快關門之際，轉身逃避轉入電梯里??

    一星期后，藍收到青速遞來的小包裹，內里有一張卡和盒子，盒子裝著一條斷了的頸鏈和吊墜??

    卡上寫下聊聊數句：

    「藍，多謝你真心真意愛過我??

    我倆幾經考慮，終于戀愛了，有了期盼，但最終失望了，抱歉不能夠漂漂亮亮的離場??害怕最后計較的不是付出，而是怕受傷害??

    大家都受傷了，似乎都冇辦法彌補，但相信時間是最好的止痛藥，相信我們仍是好朋友，對嗎？

    你送我的鑽石頸鏈吊墜，都決定退給你，希望你遇上一個更好的伴侶。

    青」