今天，青收到一封電郵，是關于藍青共用的icloud：50gb儲存空間就快爆滿了??青打開共用圖片庫，一面吃著杯麪，一面思索有那些容量大的video可以刪除或者外掛，不以為意的發現，有一個容量頗大的video，剛剛在圖片庫更新了??

    青看到久違了的藍在唱「激光中」，認真又搞笑，笑到差點透不過氣來，隨之而來一陣大叫加跌倒碰撞的聲音，螢幕從高處跌下，可能卡在電視機矮柜旁，鏡頭繼續影著沙發底及地氈，但仍清楚聽到藍雪在沙發上，大說大笑聲音，經過一輪短暫沉寂，一件又一件的衣物衫裙從沙發滑下，散落在一地??青簡直不敢相信自己雙眼，心痛的淚水，一顆又一顆從面珠滑下不止，青一手摸著小腹，感到赤痛，似乎連胎兒也感到悲痛??

    青雙目無神在蘇豪區徘徊，不經意挑了一間露天咖啡店坐下，點了杯expresso和一客芝士蛋糕，低頭百無聊賴地掃手機??

    「唔好意思呀！先生！最后一件芝士蛋糕賣曬啦??」

    「唉呀！??我今日專登出嚟最想食芝士蛋糕咋??」

    青聽到這段對話，好奇一望，與似曾相識的面孔對上了眼??原來巧遇快要復職機組同事。新戴著黑帽，頸掛著耳機，配灰黑運動衣裝，一身師氣打扮，朝著青走過來。

    青（出奇）：新？！乜咁啱遇到你嘅？

    新順勢拉櫈坐下（擠眉弄眼）：哎喲！我今日offduty??！特登出嚟食芝士蛋糕，點知最后一件都俾你買咗??好失望呀！

    青（縮一下膊頭）：係呀！我冇乜胃口！不如比你食吖！

    新把小碟移到眼前，拿起義子（喜出望外）：really?咁我唔客氣啦喎！

    青（驚奇）：嘩！你使唔使咁狼吞虎嚥??？好耐冇食嘢??？

    新（皺眉頭扮可憐）：哎呀！小姐！我琴晚凌晨落機，返到屋企乜都冇得食到依家，我真係好肚餓??！食嘢唔使要chok住??？

    青（嘴角上掦疊起雙手）：哈哈！你係當年嘅地勤王子，搖身一變上咗機組變左機組oppa，聽聞好多高層都鐘意你喎??

    新（不甘示弱還擊）：喂！一場舊同事，講嘢唔使咁盡??？我收到風，你好似想返機組啦！搞成點??？

    青（尷尬下意識摸肚皮）：??！hr搞緊文件，差唔多可以返去簽約啦！

    新（抹咀角）：咁咪好囉！多謝你請我食芝士蛋糕??！不如，趁未返工前不如去relax下呢？

    新青到了一間樓上鋪clubbing,兩人選了戶外雅座，黃昏時分，兩人先點了杯cocktails，閑話家常的由工作說起，慢慢各自躺開心扉，一邊喝紅酒，一面互相訴說家人丶夢想、甚至感情事，兩人好像認識了很久的朋友，非常信任對方的一切，青望著新雙眼，渴望自己能像他四圍去，實踐夢想，心里羨慕又無奈，兩人表里一致訴說心底話，包括最新上載的video??

    青背向西半山俯覽維港夜景，新點了根香煙，站在一邊憂鬱地一吸一吐，煞有介事地望著沉默的青??

    新（忽然驚醒）：??！原來發生啲咁嘅時，咁你諗唔諗住，俾佢知道你知道??？

    青（低頭玩手指)：吾知道啊??

    新（煞有介事）：有冇搞錯??？你梗係鬧爆佢啦！我最憎呢啲人一腳踏兩船，你最好放條片上facebook,tag左佢哋兩個名，俾大家睇嚇都好呀！

    青（反眼）：咁對件事無幫助嫁喎！我同佢實又鬧交收場啦！

    新（吸一口煙無奈）：咁其實你想佢點啫！

    青（低頭幽幽地）：其實，我凈係想佢主動坦坦白白講件事俾我聽，之后跪低道歉，應承我以后唔再見嗰個女人??

    新（同意點頭不語)：咁又啱嘅！最緊要錯就要認，打就要企定??咁而于個bb??

    青（下定決心）：如果佢肯同我道歉嘅話，我都要d時間比自己適應一下陀bb嘅心態，學習下點樣做一個媽咪??

    新（驚訝愕然）：妖！你哋d女人，真係轉得好快！之前又話想四圍去周圍飛，而家又話想學嚇做媽咪???

    救命??！愛情真係偉大！希望你條仔，真係會知衰，主動同你道歉啦??

    青打了個乞嗤時，新說時遲那時快，已脫下外套，輕輕的披在青膊頭，叮嚀青不要著涼，轉身到柜面結帳，打的送青回家好好休息??

    藍已經有好多天沒有見青，駕車來到青家樓下，看到青房間沒有亮燈，手機又未能接通，倚在車旁路邊等待，希望能重修舊好??隱約看到遠處一男一女，從的士下車，步履輕盈的進到7-11，那個短發女孩的背影有點面熟，但又不太確定??藍一步一步走近，在微黃昏暗的街燈下，希望能找到一些焦點??新純熟的從凍柜挑選消夜到柜面結帳，青在玻璃窗旁等候翻熱消夜，兩人酒氣一散，餓腸轆轆，狼吞虎嚥地吃喝??

    新撅著杯面（皺眉頭望著青）：喂！出邊有條麻甩佬，全程望住我哋兩個食嘢，唔知做乜??

    青瞄了一眼，手一松把膠叉上的糯米包都跌下，辣椒豉油油都濺到衫上??藍雪在沙發上一幕又一幕情節，在腦海里浮現：是背叛？是誤會？還是裝作不知道？畢竟自己還懷了對方骨rou??這一刻，青很清楚自己仍然不想面對??

    藍眼巴巴的望著兩人，希望找出任何打情罵俏的一瞬間作為證據，支持自己推測青拒婚的原因??藍拋出一個又一個的假設：是新相識？是一腳踏兩船當作水泡？是bb真正的爸爸？還是「食死貓」做便宜老豆?

    青低頭搣手指，不發一言，手踭碰一下新示意離開，新揑著半罐啤酒隨后??藍青二人終于在7-11門口對上眼，門口慘白的燈光，讓面無表情的藍青更加冷漠地互望，希望從對方的眼神找到答案??怎么嘴角不再甜笑嗎？我倆之間有什么發生了？昔日溫馨場景逃到哪里？甜蜜記憶跟眼前不對辨實景，同步對比，藍望著喝了酒面紅紅的青，先作出不捨的挽回??

    藍（八字眉咬唇）：青，你飲得酒咩？做乜飲咁多酒？

    青（輕佻態度）：哈！真係好笑啦！呢個世界凈係你可以飲酒吧？！

    藍沉默心虛，暗暗呼一口氣，眼見有陌生人在旁，怎能放下尊嚴輕易示弱？！??新抹一下嘴角啤酒推測，藍正是早前提及video的男主角，心生不滿想教訓藍一頓，即時挺胸撐腰，擺出一副正氣凜然姿態，敵視怒瞪藍??

    藍（擦了一下鼻）：??！你有新朋友，未介紹我認識喎??

    青（態度強硬）：我同佢識得耐過你喎！新，反而我介紹返個朋友俾你識，佢叫藍??

    新出盡九牛二虎之力，希望能單手揑碎藍的手腕：藍？哈，我第一次見你咋！但我估唔到，自己咁佩服你，點解花都冇札？

    藍忍痛裝作冷靜：我買唔買花關你咩事？

    新（嬉皮笑臉）：希望唔好再古靈精怪傷害青，正所謂坦白從寬，抗拒從嚴，衰左就認啦！低低地躀一舖啦?

    藍（越聽越火滾）：你知道啲咩？依家邊個古靈精怪？

    新（認真肯定叉腰）：唉！好心你收皮啦！你仲喺度死撐！畀曬機會你，都唔知衰！

    藍（大義懍然）：白癡！我不嬲行得正企得正，你即管放馬過嚟，睇下你做得出咩樣??

    新（無可奈何）：我警告你！如果你再令青傷心，我就對你唔客氣??

    藍眼神熌爍神情，心里納悶：究竟新知道什么??？

    青見藍毫無悔意，不禁反白眼推開他，一手拉著新離開，剩下藍呆若木雞地望著兩人身影，滿腔激動妒忌，推敲著二人關係??

    青快步拉著新離開，有半刻幻想藍會從后追來，但可惜沒有??青努力地閉著嘴抑制哀傷，害怕被藍發現自己傷心難過，直到走到街角轉彎，青痛哭不止的眼淚，如山洪暴發，一發不可收拾，伏在新膊頭上失聲痛哭，彷彿肚子也感到震震疼痛，新聽到陣陣哽咽落淚，心頭一陣sao動，同情又憤怒的復雜情緒涌上心頭??新深深感受到青，有幾愛就有幾痛，揭露對方的不忠，就將感情即時斷送，如果未想通怎樣做，就不如什么都不做，就算街頭罵戰都好，也不想揭示心中對藍那份憤怒和被背叛，不想聽任何解釋，只希望是一個仍未睡醒的惡夢??

    新莫名其妙，心頭涌起一份憐惜感覺，想好好保護青，不想任何人令她再受傷流淚，心里抑壓自己想擁抱青入懷，有半刻幻想自己正安慰女朋友的歪念，反而希望青哭耐一些，讓他多嗅一下青身上的香味??