周末黃昏，藍帶青來到海邊，牽著青小手走過彎彎曲曲的石春路，到達一所藍白地中海小餐館，桃木傢俬擺設陪襯簡潔吊扇，陣陣海風迎面吹來，一種無可抗拒的舒適自然，洗滌了藍內心的鬱悶煩躁??餐廳內里調暗燈光，餐枱上點了香氛蠟燭，散發幽幽熱帶水果香氣，吧枱上一套膽機正播放輕快悠揚樂韻??

    青被四周圍環境觸動，心情輕松自在，藍細心地為她拉櫈坐下??

    青（嘴角向上翹）：今日係咩日子呀？點解咁浪漫嘅？

    藍（低頭發笑）：你唔知咩？你估下吖？

    青（傻了眼）：??！係唔係相識半週年？

    藍忍住笑，搖搖不語。

    青（摸一摸頸上的生日禮物頸鏈）：又唔係你生日，又唔係我生日??

    侍應正小心翼翼，從廚房捧著熱湯沙律，放在餐枱上

    青（氣餒）：有冇貼士先？

    藍（咬一下上唇）：??！貼士係同我哋有關嘅??

    青嘟嘟小嘴，皺著眉頭，一面低頭喝湯，一面繼續猜謎。

    藍（掦一下眉）：??！咁你有冇野未話比我聽架？

    青（愕然假惺惺）：唔嚇??乜我有野未講你聽咩？

    藍（摸一下耳珠）：??！肯定沒有？

    青（摸不著頭腦）：你今日好似怪怪地咁??

    藍額頭冒汗，心里一面叫自己放輕松，一面把希臘沙律端在青面前，青比平時開胃，三扒兩撥已經吃了一大碟，心滿意足地放下刀叉，輕托著香腮??

    青（意氣風發）：好啦！意粉又食完啦！可以話俾我聽今晚搞乜鬼呢？

    藍（口震震）：不如食埋個甜品先呢？

    青望著這杯士多啤梨無花果綠茶布甸，眉頭一皺：哎呀！唔知點解我聞到士多啤梨想嘔??

    藍（瞪大眼睛）：??！你以前好鐘意食士多啤梨架喎??不過，唔緊要！咁你凈係食綠茶布甸吖??

    藍細心的為青撥開士多啤梨和無花果等裝飾，期待她仔細品嚐布甸味道，誰不知，青忽然衝入洗手間嘔吐??

    藍焦急的隔著門詢問：你見點??？係咪好唔舒服??？

    青咕嚕咕嚕地回應，雙眼通紅打開門，藍扶著青坐下來休息??

    青用紙巾抹去眼睏淚水：哎呀！唔知係咪食得太快呢??

    這時，侍應從后捧著一大束紅玫瑰遞給藍，藍在青面前單膝跪下??

    藍（深呼吸滿面通紅）：青，今晚我有啲嘢同你講，呢個時刻我等左好耐??雖然我同你拍拖只係大半年，但係我真係好鐘意你??好想你一生一世都可以陪住我??

    青抱著一大束鮮花不知所措，凌亂地回應：嚇？點解想要結婚呢？

    藍（焦急慌亂）：因為我哋想兩個人一齊生活，組織一個新家庭，可以多啲時間一齊??

    青（冷靜分析）：但係?如果我哋結咗婚之后?我哋兩個經常要飛，各有各忙，分隔兩地工作，聚少離多，果時你會唔會后悔結婚呢？

    藍（沉思）：嗯??

    青（疑惑）：我未有心理準備??！?好似爭d野喎！

    藍（尷尷尬尬）：係??！??你未食甜品??

    青拿起匙羹，輕輕的撈起一小羹綠茶布甸，隱約聽到金屬的碰撞聲，仔細觀看，原來有一隻指環藏在布甸內??

    青看到戒指的時候，奇怪心里沒有半點感動，反而為這個情況，倒抽一口涼氣??

    藍拿起指環抺乾凈，誠心正意：青，你愿唔愿意嫁俾我？?我想你做我太太?俾我照顧你一生一世??青發呆了，張開嘴想回話，一時間不懂反應??

    青（戰戰兢兢推開指環）：藍，真係太突然??！都唔知講咩好，你會唔會覺得我哋太快結婚呢？

    藍（堅定眼神）：唔會！結婚有好多野搞架！安排得來差唔多架啦！

    青（憂慮）：??！但係，上星期我同舊上司食飯，傾左復職嘅安排，兩個星期后會安排面試，順利嘅話我可以返機組，會簽三年合約??！

    藍（愕然嬲怒）：嚇！上次你咪話未肯定嘅？咁大件事你都唔講比我知？依家firm曬細節，先循例通知我??

    青（猶豫不決）：但係上機組做，可以四圍走見識一下，係我心里便嘅夢想??何況，結婚咁大件事，我覺得慢慢來，從長計議比較好??

    藍（揑著拳頭有點忟憎）：好??！又係夢想??咁你考慮好再話比我聽吖??

    青（安慰）：不過，都好多謝你今晚為我預備所有野??

    青一個箭步攬著藍，藍咬下唇掩飾失望，藉詞轉身避開，但躲不了，只好讓青在頸項吻了自己一下，青也感受到藍內心不好過，掙扎中的窘境??

    送青回家后，藍呆呆地坐在車上，望著手中的指環，內心充滿懷疑，為什么青不愿意答應？青討厭一起生活嗎？究竟青已經懷孕么？還是想用夢想工作去疏遠他？有什么比他還更重要？

    那夜，藍發了一個夢????

    去世的mama盤起發髻，掛上圍裙哼著歌在小時候老家，從廚房捧著熱辣辣出爐的蘋果批，插上一支蠟燭，為藍開心快樂唱著生日歌，藍感到非常開心甜蜜，但發現枱上少了一隻爸爸的杯子，走到廚房內想找尋??一瞬間，廚房外墻忽然倒塌，藍凌空飛墮百尺深淵中，不能再與父母相見??

    夜半時分，藍喉嚨發出悲鳴，眼角流淚驚醒，藍想起親生爸爸，知道mama懷有自己時，便悄然離家，沒有盡過父親的責任??藍抹乾眼淚告訴自己，千萬不要重蹈覆轍，一定要做個比親生父親，更負責任的男人??