藍拿著拐杖，精神奕奕站在枱邊，咬一下唇微笑，深情地凝望著青??

    「??！請問依個位有冇人坐架？」

    青垂下頭沒有反應，藍尷尷尬尬失聲而笑，悄悄地坐下來，拐杖掛枱邊，藍輕輕地托住頭，全神貫注仔細端詳，這一位想愛又不敢愛的女孩??

    這幾個月，青瘦了一圈，剪了一頭短發，嘟著小嘴，眼神倔強望著電話發呆，終于鼓起勇氣，撥通藍電話時，感覺到枱上另一部電話正震動，覺得很sao擾??抬頭一望？！無法相信，朝思夢想牽腸掛肚的藍，竟然在十萬九千里外的赫爾辛基轉機處遇上！

    這一瞬間，眼前的對方，好像在眼前上演facetime??

    青（睜大眼睛）：藍？眼前的你，是真的嗎？

    在吵鬧的咖啡店里，旅客和背景音樂都彷彿慢下來，青眼中只望到藍雙眼和感到自己異常急促心跳和呼吸聲，有點缺氧的感覺??

    青（屏息靜氣）：藍？！點解你會喺度？

    藍（深呼吸一下）：因為我好掛住你??

    青（歇斯底里連珠爆發）：你掛住我？？？？如果你係掛住我嘅，點解唔打電話俾我？？？點解你唔覆我p?？點解自從喺醫院探你一次之后，你就出咗院，我就聯絡唔到你？

    藍（嚥口水吁氣）：你記唔記得撞車之前，你咪同我通過電話？

    青猛力點頭直視，藍雙腳併攏，幽幽地：你同我係電話講拜拜之后，你冇收線，我用carplay仍然聽到你同嗰位醫生朋友嘅對話??

    青（放慢呼吸驚訝）：我記得嗰日係我生日，但又整親腳，係俊車我返屋企??

    藍（舔嘴唇回避目光）：果時我誤會，以為俊鐘意左你咁多年??交份禮物比你嘅時候，見到俊高大靚仔，又係醫生專業人士，條件比我好好多??自己覺得好自卑，驚自己配吾起你，俾唔到幸福你??

    青（詫異眨眼頻繁）：你誤會曬啦！俊係我由細到大嘅好朋友，佢上個月已經結咗婚啦！

    藍(尷尬摸頸）：我知啊??

    青（錯愕皺眉）：??？

    藍(手足無措低頭）：我返醫院做物理治療既時候，遇到俊在走廊派喜帖，我同佢傾左一陣，瞄一下喜帖上寫「黃梁聯婚」，我就知道我擺咗烏龍??

    青（眼球上翻哭笑不得）：咁一定係俊話俾你聽我嚟咗冰島啦？

    藍（面紅耳赤咬下唇）：所以我博命做物理治療，我三日前先至勉勉強強行得返，就已經book機票，嚟冰島搵你！咁你依家相信，我有幾掛住你？

    藍放下咖啡杯，伸手觸碰青小手??

    青耍性子縮開手，低頭沉默片刻（掩面抽搐紅著眼）：其實自從無咗你嘅消息，我每日都好掛住你，好討厭自己成日都掛住你，成個腦都諗住你??擔心你康復情況，又擔心你冇啖好食，又擔心無人照顧你??

    抑壓的眼淚開始不受控制，大顆如珍珠般從青臉龐滑下??

    青（沮喪如泣如訴）：點知山長水遠嚟到冰島都咁掛住你，我好憎自己係咁樣，但又控制唔到??你真是一個衰人??嗚嗚嗚??

    藍（歉疚閉眼深呼吸）：青?對唔住??我應該問清楚先??令到你咁難受??

    青失聲痛哭，哭得令人心碎，一股想保護對方的心，油然而生，藍不知從何而來的勇敢，一手拉起青，把她一擁入壞，雙手緊緊擁抱對方，頸項剛好扣在青膊頭上時，藍撫弄著青的秀發，屏息靜氣，在耳邊口震震輕聲地：青，我想??你做我女朋友??可唔可以呀？

    青這刻頓然呆了，低頭擦乾眼淚鼻涕，隱若嗅到藍外套上的消毒藥水味道??想起撞車入院后，跟藍相遇零碎片段，腦海中閃過無數回憶片段，直到這刻??

    青（破涕為笑點頭臉紅）：唔??好??！