小插曲

    今日，我同我o既好閨密小魚一齊去咗XX廣場行街，

    小魚係我由細玩到大o既青梅竹馬，由于佢細細個就生得眉清目秀，白白淨，經典o既一個小生樣，所以從小學到中學時期都有好好o既女人緣，係學校中數一數二o既校草，甚至乎聽過佢喺中四嗰年，竟然有位女老師喺情人節當日偷偷地送咗盒朱古力俾佢，呢件事當年哄動佢哋全級師生，更是傳至全校，成為學校歷年神話中o既其中一件，

    小魚大我一年，我記得喺我六歲o既時候，我們一家遷居至新屋，小魚家就住喺我隔離，由于係隔離鄰舍，小朋友時期o既我哋好快就熟絡咗，做咗好朋友，小學中學都係同一所學校，相識至今已經十九個年頭，

    小魚由細到大，基于生得靚仔，而且學業都係名列前矛，身邊總係有不少女生圍繞住佢，但往往最親密嗰個都只會係我，其他女仔佢都不放在眼內，而我本身樣貌身材亦絕對係校中o既?；ㄖ?，郎才女貌，猶如天作之合，好多同學都會以為我哋係一對情侶，但偏偏我同佢o既感情一直都只能係友達以上，戀人未滿，

    直至到佢中學畢業o既嗰一日，佢突然向我表白，說出佢心中一直埋藏已久o既秘密，

    當時o既我聽完佢向我o既徐徐道來，挖心掏肺，一字一句都震撼咗我個心，原來佢由細到大，除咗屋企人之外，一直隱瞞所有人至今都冇公開o既秘密，佢今日將佢講咗俾佢認為最好o既朋友(即係我)知，原來佢係同。性。戀。者，

    佢屋企人一開始知道呢件事時都好難接受，但由于佢係獨子，變相屋企人都十分遷就佢，久而久之，就慢慢接受咗佢o既情況，但佢自己本身都唔太想有人知佢有咁o既問題，喺佢同屋企人o既相量之下，喺佢完成中學課程之后，會帶佢到泰國最好o既整形醫院，進行變性手術，

    而當時佢就係想喺過去做手術之前，將呢件事話俾佢最信任o既好朋友知，希望我會接受佢呢一個決定，而且可以繼續同佢做朋友，

    我聽到呢件事o既來龍去脈之后，一開始都表示有啲接受唔到，但同佢咁多年o既感情，驅使我應該要去支持呢位朋友，知道佢明天就要上飛機，我同佢相擁而泣，好似一對好朋友將要永別一樣，佢話佢唔想我第二日去送機，希望喺佢有新o既身份之前，呢一次係我哋最后見o既一面。

    佢想我陪住佢，過完呢個最后的夜晚，我哋徹夜未眠，傾通頂，傾返好多有甜有苦o既往事，直至天光o既一刻，我哋喺屋企門口嚟咗個最后擁抱，給上我對佢最后的祝福之后，各自紅著眼返到自己o既屋企，我倒睡床上，淚水不斷流出，已喊濕大半個枕頭，喺依依不捨o既情緒下，哭累而睡，

    時光飛逝，一年多時間過去，我中年畢業，升讀咗大學，喺呢一年多中，由于小魚o既雙親陪佢過咗泰國，隔離小魚o既家門都從未打開過，

    有一日，課堂鐘響起，我早早坐喺課室中等上堂，隔離坐咗班男同學，

    “　　喂，你哋知唔知??？今日我哋有個插班生會嚟上堂喎，”，男同學A，

    “我知啊，有聽講過，而且係個靚女嚟添喎，”，男同學B，

    “真係？”，男同學C，“有幾靚女先??？有冇我哋阿敏咁靚先??？”男同學C含情脈脈望住我，

    “咁就緊係冇你個阿敏咁靚啦，哈哈哈……”，男同學B，“邊個唔知你媾緊我哋系花阿敏丫，哈哈哈……”，其他幾個男同學都一齊哈哈大笑，

    “阿敏就緊係最靚&13774;啦，”，男同學C又對我單咗下眼，我就做返個鬼臉俾佢，

    呢個時候，全班o既目光，無論男男女女，都望住課室門口，皆因門口嚟咗個女仔，佢正回頭向身后o既兩個男同學微微鞠咗個躬，輕聲講咗兩句，應該係嗰兩個人幫佢帶路，而向佢兩個道謝中，

    嗰兩個人同佢道別后就走咗啦，佢轉回身走入課室，所有人o既目光好似都冇離開過佢，如此清新o既身影，束住一條整齊o既小馬尾，秀長o既眉毛，高挺o既鼻樑，小嘴搭上尖下巴，加上一雙大眼睛，一米七左右o既高佻身型，著住件貼身o既T-Shirt，手臂纖幼，上圍卻豐滿，喺一條花花小短裙o既襯托下，雙腳更顯修長，玲瓏浮凸o既身材，行起路上嚟秀麗又帶有少少性感，如此完美o既女仔，連我都望到有啲入神，

    佢一路步入課室，一雙大眼睛就不停喺課室中，好快地，我同佢就四目相投，

    我知我係次見呢個女仔，但望住佢隻眼卻俾我有一種好親切o既感覺，佢見到我望住佢，佢即刻俾咗一個歡欣o既笑容我，而且快步行咗過嚟，

    “阿敏，”，個女仔直接坐咗喺我隔離，而且叫得出我個名，就好似一早就識我咁，但我只係呆呆咁望住佢，腦海中完全回憶唔起佢係邊個，而佢亦冇再出聲，只係一直望住我o既雙眼，

    “你哋識&13774;??？”，旁邊o既男同學C疑惑咁問我，但我冇答佢，只係呆呆咁望住眼前o既陌生人，

    “阿敏，”，一把甜甜的可愛聲音由嗰個女仔口中發出，但佢又只係叫我個名，而冇下一句，但由佢眼中，我見到有些許淚水正慢慢涌出，

    我開始意識到啲嘢，“你……你……”，我o既雙眼唔知幾時，淚水亦已流出，“你……你……”，我開始啜泣而講唔到嘢，

    見嗰個女仔只係點點頭，淚珠亦已滑下，

    “你……你……”，淚水流下，滑過我帶著微笑但抖動著的嘴唇，

    女仔點頭點得更激烈，淚水已崩潰，

    我撲上，就是一個深深的擁抱，佢亦緊緊與我相擁，我哋兩個哭成淚人，但全班同學都唔知發生咗咩事，紛紛交頭接耳，

    片刻過后，我哋先慢慢平復落嚟，

    “阿敏，我返嚟啦！”，

    “嗯，weleback，”，我知眼前o既人就係小魚，而且係全新o既小魚，